Կոտեմ ու ռուկոլա

Անի Նալբանդյան · հունիս 8 2020
Դիտումներ 2893

2013 թվականին առաջին անգամ պատրաստեցի ռուկոլայով աղցան ու կիսվեցի իմ բլոգում։ Հետևորդներիս մեծ մասը անընդհատ հարցնում էին, թե ինչ է ռուկոլան։ Ու որպես հեշտ բացատրելու տարբերակ սկսեցի այն համեմատել կոտեմի հետ։ Հիմա, երբ ռուկոլան շատ հասանելի է ու բոլորդ համը գիտեք, գուցե իմ հետ վիճեք այս համեմատության համար։ Ինչևէ, այդ համեմատականը ուղեղումս դաջվել էր ու որոշեցի այս երկուսի հիմքով նոր աղցան ստանալ։ Մտածում եք համեղ է թե չէ։ Պատասխանեմ, որ դեռ շատ եմ պատրաստելու այս աղցանից, իսկ մնացածը արդեն կարող եք ենթադրել։

Բաղադրությունը`

  • 0,5 կապ կոտեմ
  • 0,5 տուփ ռուկոլա
  • 1/4 գունավոր պղպեղ
  • 1/4 գլուխ սոխ
  • 1 հատ լոլիկ
  • 5-7 հատ զեյթուն
  • 50 գրամ ֆետա
  • զեյթունի ձեթ
  • բալզամիկ քացախ
  • օրեգանո
  • սումախ
  • սև պղպեղ
  • ծովի աղ

Պատրաստման եղանակը`


1․Ռուկոլան և կոտեմը լվանալ, ջրքամել և չորացնել։ Մեծ տերևները բաժանել 2-3 մասի, իսկ փոքրերը ամբողջությամբ լցնել աղցանամանի մեջ։
2․Ավելացնել նաև ձողաձև կտրատած դեղին պղպեղը, կիսալուսնաձև կտրատած լոլիկը և մանր կտրատած գլուխ սոխը։
3․Ավելացնել բալզամիկ քացախը, ձեթը, համեմել աղով և սև պղպեղով, սումախով և օրեգանոյով։ Բոլորը միասին խառնել, լցնել մատուցվող ափսեի մեջ։ Զարդարել զեյթունի հատիկներով և խորանարդաձև կտրատած ֆետա պանրով։ Վեգանները կարող են ֆետան փոխարինել տոֆու պանրով։
Բարի ախորժակ

աղցաններլոլիկռուկոլապղպեղֆետակոտեմ

Նմանատիպ գրառումներ
Հատիկ լոբով և ռուկոլայով աղցան
Կոտեմով և լոլիկով աղցան
Սմբուկով կորեական աղցան
Խորոված սմբուկով և պղպեղով աղցան
Դանդուռով աղցան
Ռուկոլայով աղցան
Կարմիր կաղամբով և սպանախով աղցան
Բաբա Գանուշ
Սագախոտով և ավոկադոյով աղցան
Հում դդմիկով աղցան
Կարմիր լոբով և հազարով աղցան
Լյարդով աղցան
Աղցան <<Արևոտ դդում>>
Օրզոյով բանջարեղենային աղցան
Սմբուկը լոլիկի հյութի մեջ
Կանաչ սխտորը լոլիկով
Սմբուկով և թթվասերով աղցան
Դանդուռով ամառային աղցան