Բանջարեղենային պիցցա

Անի Նալբանդյան · դեկտեմբեր 20 2014
Դիտումներ 3997

Բանջարեղենային այս պիցցան առանձնանում է խմորով: Սովորական ցորենի ալյուրի փոխարեն օգտագործելու ենք ոլոռի ալյուր: Խմորը ստացվում է նուրբ և համեղ:

Բաղադրությունը`

  • 1/2 բաժակ ոլոռի ալյուր
  • 125 մլ ջուր
  • 2ճ/գ զեյթունի ձեթ
  • 1/2 թ/գ սխտորի փոշի
  • 1/2 թ/գ չորացրած կանաչի
  • 1/2 պորտոբելլո սունկ
  • 1/6 դդմիկ
  • 2-3 հատ զեյթուն
  • 1 հատ չորացրած լոլիկ
  • պանիր
  • աղ, պղպեղ

Պատրաստման եղանակը`


1.Ալյուրը, ջուրը, ձեթը, սխտորի փոշին, չորացրած կանաչիները, աղը և պղպեղը խառնել իրար,հունցել խմոր: Թողնել խմորը հանգստանա 30 րոպե: Եթե տանը չունեք ոլոռի ալյուր, կարող եք ինքնուրույն պատրաստել:
2.Ջեռոցը տաքացնել 220 աստիճան: Թավայի մակերեսին քսել ձեթ, տարածել խմորը: Եփել ջեռոցում 15 րոպե: Խմորը պետք է ստանա վարդագույն երանգ և հեշտ անջատվի թավայից:
3.Միջուկի համար նախատեսված բաղադրիչները կտրատել, դասավորել խմորի վրա և նորից դնել ջեռոցը 15 րոպեով: Եթե խմորը չոր է ստացվել, կարելի է այն մի քանի րոպե փակել կափարիչով : Պիցցան ստացվում է փոքր, եթե ուզում եք պատրաստել երկու հոգու համար, ապա բաղադրիչները կարող եք կրկնապատկել:
Աղբյուրը

դդմիկզեյթունպիցցապորտոբելլո սունկչորացրած լոլիկոլոռի ալյուր