Սպիտակ գինով իշխան

Բաղադրությունը`

• 1 կգ իշխան
• 175 գրամ սպիտակ գինի
• 50 գրամ լիմոն կամ 275 գրամ նռան հատիկներ
• թարխուն
• կանաչ սոխ
• համեմ
• աղ, սև պղպեղ

Պատրաստման եղանակը`

1. Ձուկը լավ լվանալ, մինչև որ մաքրվի արտաքին լորձից, հետո հեռացնել թեփուկն ու փորոտիքը: Ձուկը համեմել աղով և սև պղպեղով: Ամենաքիչը մեկ ժամ թողնել, որ աղը ներծծվի մսի մեջ:
2.Կաթսայի հատակին խաչաձև դնել փայտիկներ, լցնել սպիտակ գինի: Ձողերի վրա շարել նախապատրաստած և աղ արած իշխանը: Ձկան վրա ցանել խոշոր կտրտած թարխուն, համեմ և կանաչ սոխ: Կաթսան ծածկել և մարմանդ կրակով ձուկը շոգեխաշել 18-20 րոպե:
3.Իշխանը մատուցել տաք: Առանձին մատուցել լիմոն կամ նռան հատիկներ: Ցանկության դեպքում կարելի է նաև մի փոքր կարագ ավելացնել:
Բարի ախորժակ