Բրնձով պուդինգ (վեգան)

Բաղադրությունը`

• 100 գրամ կլոր բրինձ
• 700 մլ նուշի կաթ
• 1 թ/գ ստևիա
• 1 պտղունց աղ
• 1 թ/գ կոկոսի յուղ
• վանիլինի էքստրակտ
• շոկոլադի քերուկ
• ելակ

Պատրաստման եղանակը`

1.Հաստ հատակ ունեցող կաթսայի մեջ լցնել կաթը, դնել միջին ուժգնության կրակի վրա, ավելացնել մեկ պտղունց աղ և 1 թ/գ ստևիա: Խառնել, որպեսզի ստևիան հալվի, ապա ավելացնել վանիլինի էքստրակտը:
2․Երբ կաթը եռալուն մոտ լինի, ավելացնել նախօրոք լվացած բրինձը: Կրակը թուլացնել և շարունակել եփել բրինձը մարմանդ կրակի վրա՝ հաճախակի խառնելով: Եփել այնքան, որ բրինձը լավ փափուկ լինի: Անհրաժեշտության դեպքում կարող եք տաք կաթ ավելացնել: Կրակը անջատելուց հետո ավելացնել կոկոսի յուղը, խառնել:
3․Մատուցվող պիալաների մեջ լցնել պատրաստի տաք պուդինգը, զարդարել շոկոլադի քերուկով և ելակով:
Բարի ախորժակ