Հայկական խոհանոց
Սպասը ու հայկական խոհանոցը անբաժան են։ Բայց հայկական խոհանոցում ավանդական սպասի շատ տարբերակներ կան, որոնց մասին նույնիսկ տեղյակ չենք։ Ես որպես սպասի մեծ երկրպագու, ուզում եմ Ձեզ լուսավորել։ Գյուղերում շատ ընդունված է սպասի մեջ տարատեսակ կանաչիներ օգտագործել։ Շիրակի դաշտավայրում շատ հաճախ են բազուկի տերևներ ավելացնում։ Իսկ դանդուռով տարբերակը ոչ այնքան հայտնի, բայց համեղ տարբերակներից մեկն է։
Իմ մշտական հետևորդները գիտեն, որ հատուկ սեր ունեմ կանաչի վաճառող տատիկների նկատմամբ և երբեք անտարբեր չեմ անցնում նրանց կողքով։ Վերջերս իմ համար բացահայտեցի գարնանային ևս մեկ կանաչի, որի մասին չէի լսել։ Համացանցում գրեթե ոչ մի տիպի ինֆորմացիա չկա Պարոն Բանջարի մասին և շատ ուրախ կլինեմ, եթե ինձ ավելի շատ պատմեք այս կանաչու մասին։
Հայկական խոհանոցում հաճախ կարող ենք հանդիպել առաջին հայացքից շատ պարզ, բայց շատ համեղ ուտեստների: Այսօրվա լոբով կոլոլակը հայկական ավանդական խոհանոցից է, որը եկել է զարդարելու մեր սեղանները Մեծ Պահքի օրերին:
Հայկական խոհանոցում շատ ընդունված է բլղուրով և տարբեր բանջարներով պատրաստվող փլավները։ Շատ պարզ մթերքների միջոցով կարող եք բազմազանություն մտցնել Ձեր կերակրացանկի մեջ։
Հայկական խոհանոցում եղինջով ապուրը շատ հայտնի է։ Վաղ գարնանից եղինջը սկսում է հայտնվել շուկաներում և մեր խոհանոցներում։ Եղինջով ապուրի պատրաստման մի քանի տարբերակներ կան։ Այսօր կպատրաստենք բլղուրով տրբերակը։
Հայկական խոհանոցում շատ են քիչ բաղադրիչներով և յուրահատուկ համով ուտեստները: Սխտորածը այդ ուտեստների շարքից է: Այսօր Ձեզ կներկայացնեմ այս ուտեստի իմ տարբերակը, որը տարբերվում է դասական բաղադրատոմսից: Սխտորածը վարսակի փաթիլներով ստացվում է շատ համեղ ու օգտակար: Փորձեք և կիսվեք Ձեր տպավորություներով:
Արագ պատրաստվող ուտեստները միշտ չէ որ վնասակար են։ Երբ գրեթե ժամանակ չունես, բայց միևնույն ժամանակ չես ուզում անորակ սնունդ ընդունել, օգնության կգա այս բաղադրատոմսը։ Այսօր որոշեցի համադրել ավելուկն ու բլղուրը։ Ստացվեց արտակարգ համեղ և օգտակար փլավ, որի պատրաստելը շատ քիչ ժամանակ կխլի ձեզանից։ Փորձեք և կիսվեք Ձեր տպավորություններով։
Հայկական լեռնաշխարհը լի է ուտելի բույսերով։ Դեռ հին ժամանակներից մեր խոհանոցում շատ կարևոր տեղ է ունեցել բոլոր տեսակի ուտելի բույսերի օգտագործումը։ Գարնան գալով սկսվում է նաև կանաչիների մուտքը մեր խոհանոցներ։ Այսօր կպատրաստենք Շրեշտ։
Միջինքը Մեծ Պասը կիսող օրն է։ Այս օրը Պասը կիսվում է։ Այդ առիթով ընդունված է թխել Միջինքի գաթան կամ Տապլան։ Տապլայի մեջ դրվում է մետաղադրամ և բաժանվում է տան անդամների միջև։ Ըստ ավանդույթի, նրան, ում բաժին է ընկնում մետաղադրամը, սպասվում է հաջողակ տարի։
Հայկական խոհանոցը հարուստ է օգտակար և համեղ ապուրներով։ Ավելուկով պատրաստվող ապուրները դրա վառ ապոացույցն են։ Պահքի ժամանակ առավել կարևոր է պատրաստել բուսական ծագման օգտակար ուտեստներ։
