Դդումով և լոլիկով կրեմ ապուր

Բաղադրությունը`

• 350 գրամ դդում
• 2 հատ լոլիկ
• 1 հատ կարմիր պղպեղ
• 1 հատ կարտոֆիլ
• 1 հատ կարմիր սոխ
• 1 ատամիկ սխտոր
• 1/4 թ/գ կարրի
• 2 ճ/գ ձեթ
• կարմիր պղպեղ
• սև պղպեղ
• աղ

Պատրաստման եղանակը`

1.Կաթսայի մեջ տաքացնել ձեթը, ավելացնել կտրատած սոխն ու սխտորը, մի փոքր աղ անել ու ավելացնել կարրին: Տապակել մինչև սոխի թափանցիկ դառնալը:
2.Դդումը և կարտոֆիլը կտրատել խորանարդաձև: Կարտոֆիլը ավելի մանր խորանարդիկներով կտրատել, որպեսզի դդումի հետ հասցնեն միաժամանակ եփվել: Կտրատած բանջարեղենը ավելացնել թափանցիկ դարձած սոխի վրա և տապակել 15 րոպե:
3.Ապա ավելացնել կտրատած լոլիկը և կարմիր պղպեղը: Շարունակել տապակել ևս 5-7 րոպե, համեմել աղով, սև և կարմիր պղպեղներով, խառնել, որ համեմունքները հավասարաչափ տարածվեն, ու ավելացնել եռացրած ջուր այնքան, որ բանջարեղենը ծածկի: Եփել ևս 15-20 րոպե:
4.Պատրաստի ապուրը հարել մինչև համասեռ զանգված ստանալը: Մատուցել դդմի սերմերով և սև հացով:
Բարի ախորժակ