Կաթնաշոռով և չրերով ռոլլեր

Անի Նալբանդյան · հունվար 14 2017
Դիտումներ 10318

Կաթնաշոռով հնարավոր է պատրաստել այնպիսի դեսեր, որը մեծ հաճույքով կուտեն նաև կաթնաշոռ չսիրող մարդիկ:

Բաղադրությունը`

  • 150 գրամ կաթնաշոռ
  • 1 ճ/գ թթվասեր
  • 1 ճ/գ շաքարի փոշի
  • 4 ճ/գ կոկոսի քերուկ
  • 3 հատ սալորաչիր
  • 3 հատ ծիրանի չիր
  • 3 հատ խուրմա
  • 8 հատ կաղին
  • 90 գրամ շոկոլադ
  • 30 գրամ կարագ

Պատրաստման եղանակը`


1.Կաթնաշոռը անցկացնել մաղով, վրան ավելացնել շաքարի փոշին և թթվասերը: Բոլորը միասին լավ խառնել:
2.Սննդային թաղանթի վրա լցնել կոկոսի քերուկը այնպես, որ ստացվի 15*20 սմ ուղղանկյուն: Վրան դնել կաթնաշոռային զանգվածը և գդալով տարածել: Գդալը անընդհատ ջրի մեջ մտցնել, որպեսզի հեշտ լինի տարածել:
3.Չրերը մանր կտրատել և երկարությամբ դնել կաթնաշոռի շերտի վրա: Սննդային թաղանթի օգնությամբ ռուլետի նման փաթաթել: Պահել սառցախցիկում 15 րոպե, ապա բաժանել 8 մասի: Շոկոլադը և կարագը միասին հալեցնել գոլորշու վրա: Ռոլլերների վրա լցնել հալած շոկոլադը և յուրաքանչյուրի վրա դնել մեկական կաղին:
Բարի ախորժակ

աղանդերթթվասերսալորաչիրկաթնաշոռշաքարի փոշիկոկոսի քերուկծիրանի չիրխուրմա