Չրերով կոնֆետ

Բաղադրությունը`

• 10 հատ թզի չիր
• 10 հատ սալորաչիր
• 10 հատ ծիրանի չիր
• 10 հատ արմավ
• 0.5 նարինջ
• կոկոսի քերուկ

Պատրաստման եղանակը`

1.Չրերը տաք ջրով լվանալ: Արմավը լվանալ և հեռացնել կտերը:Բոլորը միասին մսաղացով աղալ:
2.Աղացած զանգվածի վրա քամել կես նարնջի հյութը և ավելացնել քերիչով անցկացրած նարնջի կեղևը: Բոլորը միասին խառնել և 2 ժամով տեղափոխել սառնարան, որպեսզի զանգվածը հանգստանա:
3.Սառնարանից հանել, ձևավորել ընկույզի չափ կոնֆետները, թաթախել կոկոսի քերուկի մեջ և մատուցել:
Բարի ախորժակ

Հուշում`

1.Կարող եք ավելացնել նաև այլ չրեր՝ ըստ ցանկության և նախասիրության:
2. Նարնջի կեղևը քերիչով անցկացնելուց ուշադիր եղեք, որպեսզի միայն նարնջագույն մասը օգտագործեք, դրան հաջորդող սպիտակ հատվածը դառնություն ունի: եթե արտահայտված ցիտրուսային համ չեք սիրում, կարող եք կեղևը ընդհնարապես չավելացնել: