Հավի թևիկներ Բուֆալո

Անի Նալբանդյան · հուլիս 6 2015
Դիտումներ 6771

Կծու սոուսով պատված հավի թևիկները, որոնք մատուցվում են գազարի, նեխուրի ձողիկներով և Բլյու Չիզ սոուսով, հայտնի են Բուֆալո անունով: Ուտեստը ստեղծվել է Բուֆալո շրջանի <<Խարիսխ>> ռեստորանում:

Հավի թևիկներ համար`

  • 1 կգ հավի թևիկներ
  • 250 մլ կեֆիր
  • 1 թ/գ տաբասկո սոուս
  • 1 թ/գ մանանեխ
  • 5 պճեղ սխտոր
  • աղ
  • սև պղպեղ
  • Բուֆալո սոուսի համար`
    • 60 գրամ կարագ
    • 2 ճ/գ շաքարավազ
    • 1 ճ/գ քացախ
    • 2 ճ/գ տոմատի մածուկ կամ կետչուպ
    • կծու կարմիր պղպեղ
    • 1 պճեղ սխտոր
    • աղ, սև պղպեղ

    Պատրաստման եղանակը`


    1․Հավի թևիկները լվանալ, հեռացնել ֆալանգները և բաժանել երկու մասի։ Փայտիկով 5-6 տեղ ծակծկել թևիկները, որպեսզի սոուսը լավ ներծծվի։
    2․Խորը ամանի մեջ լցնել կեֆիրը, կծու սոուսը, մանանեխը, ճզմած սխտորը, աղը և սև պղպեղը։ Բոլորը միասին խառնել և նախապատրաստած թևիկները տեղափոխել կեֆիրով մարինադի մեջ։ Պահել սառնարանում ամենաքիչը 4 ժամ։ Կարելի է պահել նաև ամբողջ գիշեր։
    3․4 ժամ հետո թևիները հանել մարինադից, թեթևակի չորացնել և նախապես ձեթ քսած տապակով դնել ջեռոցը։ Եփել 30-40 րոպե։ Ընթացքում մեկ անգամ շուռ տալ, որ թևիկները հավասարաչափ կարմրեն։
    4․Սոուսը պատրաստելու համար փոքրիկ կաթսայի մեջ հալեցնել կարագը, ավելացնել շաքարավազը։ Հենց որ շաքարավազը հալվի, ավելացնել տոմատի մածուկը, կծու կարմիր պղպեղը և խառնել, մինչև սկսի եռ գալ։ Եռալուց հետո ավելացնել քացախը, ճզմած սխտորը, համեմել աղով և սև պղպեղով։
    5․Ջեռոցից հանած տաք թևիկները տեղափոխել սոուսի մեջ, խառնել և մատուցել նեխուրի, գազարի ձողիկների և Բլյու Չիզ սոուսի հետ։ Բլյու Չիզ սոուսի բաղադրատամոսը նայել հղումով։
    Բլյու Չիզ
    Բարի ախորժակ

    Հուշում`


    1․Կեֆիրը կարող եք փոխարինել մածունով, իսկ տաբասկո սոուսը կարող եք փոխարինել այլ կծու սոուսով կամ կծու կետչուպով։

    արևմտյան խոհանոցկեֆիրհավի թևիկներտաբասկո