Բյոֆ Բուգինյոն

Բաղադրությունը`

• 1350 գրամ տավարի փափուկ միս (վզի միս)
• 60 գրամ ալյուր
• 1 ճ/գ զեյթունի ձեթ
• 200 գրամ խոզի մատեր
• 150 գրամ գլուխ սոխ
• 300 գրամ գազար
• 700 մլ կարմիր գինի
• 700 մլ արգանակ
• 60 գրամ տոմատի մածուկ
• 2 պճեղ սխտոր
• 2 ճ/գ ուրց
• 1 հատ դափնու տերև
• 2 ճ/գ կարագ
• 230 գրամ սունկ
• 1ճ/գ ալյուր+2ճ/գ սառը ջուր
• մաղադանոս
• աղ, պղպեղ

Պատրաստման եղանակը`

1.Տավարի փափկամիսը կտրատել 5սմ հաստությամբ կտորների, խոհանոցային անձեռոցիկով չորացնել կտորները, համեմել աղով և սև պղպեղով, թեթևակի ալրապատել և դնել կողքի:
2.Խոզի մատերը կտրատել, խոհանոցային անձեռոցիկով չորացնել: Թավայի մեջ լցնել 1 ճ/գ զեյթունի ձեթ, տաքացնել, ավելացնել կտրատած խոզի մատերը, տապակել մինչև որ խրթխրթան դառնա: Թավայից հանել, դնել խոհանոցային անձեռոցիկի վրա:
3. Նույն թավայում՝խոզի մատերի յուղի մեջ, տապակել սոխը և գազարը, մինչև որ սոխը կսկսի կարամելացվել, իսկ գազարը կփափկի:Բանջարեղենը տեղափոխել առանձին ամանի մեջ:
4.Նույն թավայի մեջ անհրաժեշտության դեպքում ավելացնել ձեթ և տապակել տավարի փափկամիսը: Մսի կտորների միջև տարածություն է պետք թողնել:
5.Փափկամիսը տապակելուց հետո կրակը չանջատել, ավելացնել գինին, փայտե գդալով խառնել, որ թավայի պատերին կպած մնացորդները լուծվեն գինու մեջ և ամբողջովին համը տան գինուն: Հետո ավելացնել արգանակը, ավելացնել նաև տոմատի մածուկը, սխտորը, ուրցը, դափնու տերևը, աղը, պղպեղը և լավ խառնել:
6. Կաթսայի մեջ լցնել խոզի մատերը, փափկամիսը, գազարը և սոխը, վրան լցնել սոուսը, կափարիչը փակել և դնել 160 C ջերմաստիճանով ջեռոցը 2 ժամով:
7.Սունկը չորս մասի բաժանել: Թավայի մեջ հալեցնել 1 ճ/գ կարագ և կտրատած սունկը կարմրացնել մեջը:
8.Կաթսան ջեռոցը դնելուց 1.5 ժամ հետո ավելացնել տապակած սունկը: Թողնել եփվի ևս կես ժամ:
9.Ջեռոցից հանելուց հետո դնել գազօջախին ուժեղ կրակի վրա և ավելացնել խյուսը: Խյուսի համար 1 ճ/գ ալյուրին ավելացնել 2 ճ/գ ջուր և պատառաքաղով խառնել մինչև համասեռ զանգված ստացվի: Թողնել 1 րոպե եռա, հետո ավելացնել կարագը, խառնել և թողնել կրակին, մինչև որ պնդանա:
Բուֆ Բոգինյոնը պատրաստ է մատուցման համար: Մատուցելուց առաջ վրան շաղ տալ մանր կտրատած մաղադանոս:
Այստեղ կարող եք դիտել խոստացված տեսանյութը և միանգամից մտնել խոհանոց :)

Բարի ախորժակ