Lյարդով կոտլետ

Բաղադրությունը`

• 400 գրամ լյարդ
• 3 հատ կարտոֆիլ
• 1-2 հատ գլուխ սոխ
• 2 հատ ձու
• 250 գրամ կաթ
• 60 գրամ մայոնեզ
• 1 ճ/գ օսլա
• օրեգանո
• սամիթ
• աղ, սև պղպեղ
• ձեթ

Պատրաստման եղանակը`

1.Լյարդը լվանալ, հեռացնել թաղանթը, կտրատել և լցնել կաթի մեջ: Ամենաքիչը 4 ժամ պահել սառնարանում: 4 ժամ հետո կաթը թափել, լյարդի կտորները մսաղացով աղալ։ Սոխը ևս մսաղացով աղալ և խառնել լյարդին։
2.Լյարդի և սոխի մեջ ավելացնել ձուն և օսլան, լավ խառնել, համեմել աղով, պղպեղով և օրեգանոյով։
3.Կարտոֆիլը լավ լվանալ և կճեպով խաշել, ջրից հանել, թողնել, որ հովանա և անցկացնել մանր քերիչով։ Ավելացնել լյարդի վրա։ Այստեղ ավելացնել նաև մայոնեզը։ Բոլորը միաիսն լավ խառնել, թողնել 20 րոպե հանգստանա։
4. Թավայի մեջ ձեթ տաքացնել և ճաշի գդալով խճողակից լցնել ձեթի մեջ, տապակել երկու կողմից։ Մատուցել կտրատած սամիթով։
Բարի ախորժակ

Հուշում`

Սամիթը կարելի է նաև ավելացնել խճողակի մեջ։