Տապակած կանաչ սխտոր

Անի Նալբանդյան · հուլիս 3 2015
Դիտումներ 4184

Սխտորի աճի ընթացքում ձևավորվում են կանաչ ցողուններ, որոնք մշակման ընթացքում կտրվում են, որպեսզի սխտորի գլխիկները ավելի մեծ և հյութեղ լինեն։ Այս կանաչ ցողունները շատ օգտակար են և համեղ։ Այն կարելի է օգտագործել աղցանների մեջ, թթու դնել կամ մարինացնել։ Առաջիկայում Ձեզ կներկայացնեմ պատրաստման մի քանի եղանակներ։ Սկսենք տապակած տարբերակից։

Բաղադրությունը`

  • 500 գրամ կանաչ սխտոր
  • բուսայուղ
  • աղ
  • սև պղպեղ
  • քունջութ

Պատրաստման եղանակը`


1․Ցողունները մաքրել, հեռացնել սերմատուփը և կտրատել 3-5 սմ երկարությամբ։ Սառը ջրով լավ լվանալ, այնուհետև վրան լցնել եռացրած ջուր և թողնել մոտ 2-3 րոպե։ Ջուրը թափել և ցողունները չորացնել սրբիչով կամ անձեռոցիկով։
2․Թավայի մեջ տաքացնել բուսայուղը և տապակել սխտորի ցողունները 5-10 րոպե։ Կրակից վերցնելուց 1 րոպե առաջ ավելացնել աղը, սև պղպեղը և քունջութը։ Մատուցել մածունով կամ սխտոր-մածունով` ըստ նախասիրության։
Բարի ախորժակ

տաք ուտեստներկանաչ սխտոր

Նմանատիպ գրառումներ
Բրնձով և կանաչ սխտորով փլավ
Ցոխադի Սուենտե