Պարոն Բանջար Ձվով
Անի Նալբանդյան · մայիս 11 2020Դիտումներ 1605
Իմ մշտական հետևորդները գիտեն, որ հատուկ սեր ունեմ կանաչի վաճառող տատիկների նկատմամբ և երբեք անտարբեր չեմ անցնում նրանց կողքով։ Վերջերս իմ համար բացահայտեցի գարնանային ևս մեկ կանաչի, որի մասին չէի լսել։ Համացանցում գրեթե ոչ մի տիպի ինֆորմացիա չկա Պարոն Բանջարի մասին և շատ ուրախ կլինեմ, եթե ինձ ավելի շատ պատմեք այս կանաչու մասին։
Բաղադրությունը`
- 1կգ պարոն բանջար
- 2 հատ ձու
- 3 ճ/գ բուսայուղ
- աղ
Պատրաստման եղանակը`
1․Պարոն բանջարը լավ լվանալ հոսող սառը ջրի տակ և խաշել աղ արած եռացող ջրի մեջ մինչև պատրաստ լինելը, ապա ջրքամել։
2․Կաթսայի մեջ ավելացնել ձեթը, լցնել եփած կանաչին ու հարած ձուն։ Եփել մինչև ձվի պատրատ լինելը։ Մատուցել սխտոր մածունով։
Բարի ախորժակ
ձուբուսայուղհայկական խոհանոցպարոն բանջար
Նմանատիպ գրառումներ
Հայկական խոհանոցում ձավարեղենի կիրառությունը մեծ տարածում ունի: Մենք ունենք շատ կերակրատեսակներ, որոնք շատ համեղ են, չնայած իրենց պարզ բաղադրիչների: Այդպիսի սիրված կերակրատեսակներից մեկը հաճարով և սնկով փլավն է:
Հայկական խոհանոցում ավելուկով աղցանների և ճաշերի բաղադրատոմսերը շատ են։ Հատկապես Պահքի շրջանում ավելուկը դառնում է անփոխարնելի ։
Հայկական խոհանոցում շատ են պարզ և օգտակար աղցանները` պատրաստված տարբեր տեսակի կանաչիներից: Դանդուռով աղցանը ևս այս շարքից է:
Միջինքը Մեծ Պասը կիսող օրն է։ Այս օրը Պասը կիսվում է։ Այդ առիթով ընդունված է թխել Միջինքի գաթան կամ Տապլան։ Տապլայի մեջ դրվում է մետաղադրամ և բաժանվում է տան անդամների միջև։ Ըստ ավանդույթի, նրան, ում բաժին է ընկնում մետաղադրամը, սպասվում է հաջողակ տարի։
