Դդմիկը թթվասերի սոուսով

Անի Նալբանդյան · դեկտեմբեր 20 2014
Դիտումներ 3722

Թթվասերի սոուսի մեջ եփված դդմիկները շատ համեղ և օգտակար են: Այս բաղադրատոմսով այն շատ հեշտ կլինի պատրաստել:

Բաղադրությունը`

  • 1 կգ դդմիկ
  • 1 բուլղարական պղպեղ
  • 2 ճ/գ պինդ պանիր
  • 1 պճեղ սխտոր
  • 1 միջին չափի սոխ
  • 1 ճ/գ սամիթ
  • 250 գրամ թթվասեր
  • 3 ճ/գ ձեթ
  • աղ, պղպեղ

Պատրաստման եղանակը`


1.Դդմիկները լվանալ,կտրատել կլոր-կլոր, մոտավորապես 7 մմ հաստությամբ:
2. Սոխը մաքրել, լվանալ և կտրատել մանր խորանարդիկներով:Սխտորը նույնպես մանր խորանարդիկներով կտրատել: Բուլղարական բիբարը մաքրել կոթից և սերմերից, կտրատել մանր խորանարդիկներով:
3.Թավան տաքացնել, ավելացնել ձեթը: Կտրատած սխտորը լցնել ձեթի մեջ, տապակել մի քանի վայրկյան, ապա ավելացնել սոխը և բիբարը, տապակել մինչև բանջարեղենը կփափկի:
4.Ավելացնել դդմիկները, տապակել միջին կրակի վրա մոտ 15 րոպե` ժամանակ առ ժամանակ խառնելով: Ընթացքում ավելացնել աղը:
5.Առանձին ամանի մեջ խառնել թթվասերը, կտրատած սամիթը, աղը, սև պղպեղը, քերած պանիրը:
6.Ստացված սոուսը ավելացնել դդմիկի վրա, խառնել և հասցնել եռման, բայց չեռացնել: Անջատել, թողնել որ 15 րոպե հանգստանա:
Կարելի է մատուցել ինչպես տաք, այնպես էլ սառը վիճակում:

դդմիկպանիրսխտորսառը խոտիկներսոխթթվասերբուլղարական բիբար

Նմանատիպ գրառումներ
Դդմիկով տորթ