Դդմիկով տորթ

Բաղադրությունը`

• 1 կգ դդմիկ
• 3 հատ ձու
• 4-5ճ/գ ալյուր
• 1 հատ գազար
• 50 գրամ պանիր
• սխտոր
• սամիթ
• մայոնեզ
• աղ, պղպեղ

Պատրաստման եղանակը`

Դդմիկները լվանալ, մաքրել և անցկացնել քերիչով:Քերելուց հետո առաջացած ջուրը քամել: Ավելացնել ձուն, ալյուրը, կտրատած սամիթը, ճզմած սխտորը, համեմել աղով և պղպեղով:
Թավան տաքացնել, ավելացնել բուսայուղը և թողնել որ տաքանա: Ստացված խմորից թխել շերտերը այն ափսեի չափով, որով մատուցելու եք: Սակայն պետք չէ շատ մեծ շերտեր անել, որպեսզի չքանդվեն:Մոտավորապես պետք է ստացվի 6-7 շերտ:
Մայոնեզի մեջ ավելացնել քերած գազար, պանիր, սամիթ, սխտոր, պղպեղ, լավ խառնել: Ստացված միջուկը քսել շերտերի վրա::
Կարելի է զարդարել լոլիկով կամ մեկ այլ բանջարեղենով: