Կարմիր կարտոֆիլով և մարինացված մանգոյով աղցան

Անի Նալբանդյան · դեկտեմբեր 4 2015
Դիտումներ 3777

Հնդկական խոհանոցում մանգոն լայն կիրառում ունի ինչպես թարմ, այնպես էլ մարինացված տեսքով։ Մարինացված մանգոն հաճախ է օգտագործվում աղցանների մեջ։ Ձեզ եմ ներկայացնում շատ համեղ աղցան կարմիր կարտոֆիլով և մարինացված մանգոյով։

Բաղադրությունը`

  • 500 գրամ կարմիր կարտոֆիլ
  • 100 գրամ մարինացված մանգո
  • 1 հատ գլուխ սոխ
  • համեմ
  • ձեթ

Պատրաստման եղանակը`


1․Կարտոֆիլը լվանալ, մաքրել և կտրատել միջին չափի խորանարդիկներով։ Կարտոֆիլի վրա սառը ջուր ավելացնել և խաշել մինչև պատրաստ լինելը։ Վերջում քիչ աղ ավելացնել, որպեսզի մարինացված մանգոն ավելացնելուց հետո աղցանը աղի չլինի։
2․Խաշած կարտոֆիլի ջուրը քամել, ավելացնել կտրատած համեմը, կիսալուսնաձև կտրատած սոխը, ձեթը և մարինացված մանգոն։ Բոլորը միասին լավ խառնել։ Քանի որ մարինացված մանգոյի մեջ արդեն բոլոր անհրաժեշտ համեմունքերը կան, ուրիշ համեմունք ավելացնելու կարիք չկա։
Բարի ախորժակ

աղցաններհնդկական խոհանոցհամեմկարմիր կարտոֆիլմարինացված մանգո