Խոզի միսը բանկայի մեջ

Բաղադրությունը`

• 1 կգ խոզի փափկամիս
• 250 գրամ բրինձ
• 2 հատ կարտոֆիլ
• 2 հատ դդմիկ
• 4 հատ գլուխ սոխ
• 250մլ թթվասեր
• 1 ճ/գ ձեթ
• 1 ճ/գ մանանեխի մածուկ
• 1 թ/գ չորացրած ծիտրոն
• 1 թ/գ սև պղպեղ
• 1 թ/գ կարմիր պղպեղ
• աղ

Պատրաստման եղանակը`

1․Բրինձը լվանալ, ջրքամել և չորացնել։
2․Միսը լվանալ, կտրատել միջինից փոքր կտորներով, չորացնել խոհանոցային անձեռոցիկով։
3․Ամանի մեջ լցնել թթվասերը, մանաեխի մածուկը,կիսալուսնաձև կտրատած սոխը և խառնել։ Առանձին ամանի մեջ ձեթը խառնել աղի, պղպեղների և ծիտրոնի հետ։ Ստացված զանգվածից շատ քիչ առանձնացնել բանջարեղենի համար։ Մնացած մասը լցնել մսի վրա և ձեռքերով հավասարաչափ տարածել։ Համեմված միսը լցնել թթվասերային մարինադի մեջ և պահել սառնարանում 40 րոպե։
4Բանջարեղենը լվանալ, բաժանել խոշոր կտորների և համեմել նախապես առանձնացված համեմունքային խառնուրդով։
5․Միսը շարել փայտե ձողիկների վրա մեկումեջ դնելով կտրատած կարտոֆիլը և դդմիկը։ 3կգ բանկայի հատակին լցնել չորացած բրինձը, ապա մարինադը ու տեղավորել փայտիկների վրա շարված մսերը։ Բանկան փակել փայլաթիթեղով՝ վրան փոքր անցքեր բացելով։ Տեղադրել անջատված ջեռոցում և ջեռոցը միացել 220 աստիճան։ Եփել մոտ 1 ժամ 10 րոպե։ Անջատել,թողնել ջեռոցում ևս 15 րոպե։ Մատուցել բրնձի և լոլիկի սոուսի հետ։
Բարի ախորժակ