Ավելուկով ոսպապուր

Բաղադրությունը`

• 1 կապ ավելուկ
• 1 բաժակ ոսպ
• 1 հատ գլուխ սոխ
• 50 գրամ թթու լավաշ
• 50 գրամ ընկույզ
• 3-4 ատամիկ սխտոր
• 1 թ/գ չորացրած ծիտրոն
• 1 ճ/գ ալյուր
• ձեթ
• աղ

Պատրաստման եղանակը`

1․Ավելուկը մկրատով կտրատել, վրան ավելացնել գոլ ջուր և թողնել 30 րոպե։ Ջուրը թափել, նորից գոլ ջրով լվանալ։ Կաթսայի մեջ լցնել 2,5-3 լիտր ջուրը և ավելուկը։ Հենց ջուրը սկսի եռ գալ, ավելացնել մաքրած և լվացրած ոսպը։ Եփել ևս 15-20 րոպե, ապա ավելացնել մանրացրած թթու լավաշը։
2․ Մանր կտրատած սոխը և ընկույզը ձեթով տապակել 2-3 րոպե, ապա ավելացնել ալյուրը։ Շարունակել տապակել մինչև սոխը ամբողջովին փափուկ կլինի։ Պատրաստի սոխառած ավելացնել ճաշի մեջ։ Ավեացնել նաև մանր կտրատած սխտորը և ծիտրոնը։ Եփել ևս 5 րոպե։ Մատուցել թարմ սխտորով։
Բարի ախորժակ

Հուշում`

1․Ցանկության դեպքում կարելի է ավելացնել նաև 2 հատ կարտոֆիլ։