Հնդկաձավարով և սնկով փլավ

Բաղադրությունը`

• 1 բաժակ հնդկաձավար
• 2 բաժակ ջուր
• 400 գրամ շամպինիոն
• 1 հատ գլուխ սոխ
• 1 կապ մաղադանոս
• 2 ճ/գ զեյթունի ձեթ
• աղ

1.Պատրաստման եղանակը`

1.Եռացրած աղ արած ջրի մեջ լցնել հնդկաձավարը և եփել մարմանդ կրակի վրա: Եփվելու ընթացքում հնդկաձավարը չխառնել: Այն կարելի է պատրաստ համարել, երբ կաթսայի մեջ այլևս ջուր չլինի: Դանակով անցք բացեք, որպեսզի համոզվեք, որ ջուրը քաշել է:
2.Հնդկաձավարի եփվելու ընթացքում կտրատել սոխը և սունկը: Սոխը տապակել զեյթունի ձեթով մինչև վարդագույն երանգ ստանալը, ավելացնել կտրատած սունկը և տապակել 5-7 րոպե:
3.Կտրատած մաղադանոսը և տապակած սունկը ավելացնել հնդկաձավարի վրա և խառնել:
4.Հնդկաձավարով և սնկով փլավը պատրաստ է համտեսման:
Բարի ախորժակ