Սնկով և բլղուրով փլավ

Բաղադրությունը`

• 1 բաժակ բլղուր
• 350 գրամ շամպինիոն
• 1 հատ գլուխ սոխ
• 1 ատամիկ սխտոր
• մաղադանոս
• սև պղպեղ
• կարմիր պղպեղ
• ձեթ
• աղ

Պատրաստման եղանակը`

1.Բլղուրը լվանալ, վրան ավելացնել եռացրած ջուր այնքան, որ բլղուրը ծածկի: Թողնել 20-30 րոպե, մինչև ջուրը կներծծվի բլղուրի մեջ:
2.Թավայի մեջ տաքացնել ձեթը, ավելացնել երկարությամբ կտրատած սոխը և տապակել 2-3 րոպե մինչև թափանցիկ դառնալը, ապա ավելացնել երկարությամբ կտրատած սխտորը:
3.Սոխի և սխտորի վրա ավելացնել շերտատած սունկը և շարունակել տապակել մինչև սնկի պատրաստ լինելը: Պատրաստ լինելուց 3-4 րոպե առաջ ավելացնել մանր կտրատած մաղադանոսը, համեմել աղով և պղպեղներով: Ավելացնել նաև բլղուրը և միասին շարունակել տապակել ևս 3-4 րոպե: Մատուցել բանջարեղենային աղցանի հետ:
Բարի ախորժակ