Սագախոտով և ավոկադոյով աղցան

Բաղադրությունը`

• 1 բաժակ սագախոտ
• 1 հատ մատղաշ դդմիկ
• 1 հատ ավոկադո
• 3 հատ լոլիկ
• 1 հատ գլուխ սոխ
• 1 հատ պղպեղ
• 0.5 կապ խառը կանաչի
• 0.5 կապ հազար
• 2ճ/գ զեյթունի ձեթ
• 0.5 լիմոնի հյութ
• սև պղպեղ
• կարմիր պղպեղ
• ծովի աղ

Պատրաստման եղանակը`

1.Կաթսայի մեջ լցնել 2 բաժակ սառը ջուր և նախապես լվացած սագախոտը խաշել: Պատրաստ լինելուց մի քանի րոպե առաջ ավելացնել աղը: Սագախոտը եփվում է մոտրավորապես 15-20 րոպեում:
2.Լոլիկը, դդմիկը, պղպեղը և ավոկադոն լվանալ և կտրատել խորանարդաձ և ավելացնել խաշած սագախոտի վրա:
3.Կանաչիները, հազարը և գլուխ սոխը նույնպես մանր կտրատել: Ավելացնել սագախոտի և բանջարեղենի վրա: Համեմել պղպեղներով և աղով, ավելացնել զեյթունի ձեթը և լիմոնի թարմ քամած հյութը: Բոլորը միասին լավ խառնել և մատուցել:
Բարի ախորժակ

Հուշում`

1.Աղցանի համար օգտագործել միայն մատղաշ դդմիկ: Եթե մատղաշ դդմիկ չեք կարողանում գտնել, փոխարինեք վարունգով:
2.Եթե խառը կանաչիներ չեք սիրում, կարող եք ավելացնել այն կանաչիները, որոնք սիորւմ եք՝ համեմ, մաղադանոս, սամիթ և այլն: