Սերկևիլով ոչխարի միս

Անի Նալբանդյան · դեկտեմբեր 1 2015
Դիտումներ 4096

Հայկական խոհանոցում մրգերը շատ հաճախ են օգտագործվում մսային ուտեստների պատրաստման ժամանակ։ Օրինակ սերկևիլը հրաշալի համ ու բույր է տալիս մսային ուտելիքներին։ Այսօր կպատրաստենք շատ համեղ ճաշատեսակ, որը անտարբեր չի թողնի ընտանիքի անդամներից և ոչ մեկին։

Բաղադրությունը`

  • 1կգ ոչխարի միս
  • 3 հատ սերկևիլ
  • 1 հատ գլուխ սոխ
  • 2 ճ/գ հալած յուղ
  • 2 ճ/գ տոմատի մածուկ
  • 0.5 թ/գ շաքարավազ
  • մաղադանոս
  • աղ, սև պղպեղ

Պատրաստման եղանակը`


1.Ոչխարի կտրատած միսը գցել ջրի մեջ և եփել մինչև կիսապատրաստ լինելը: Ստացված արգանակը քամել:
2. Եփած միսը կաթսայում յուղով տապակել, վրան արգանակ լցնել այնքան, որ միսը միայն ծածկվի, կաթսան փակել և միսը խաշել: Դրանից հետո ավելացնել սոխառած, տոմատ-պյուրե,միջուկը հանած և կտրատած սերկևիլ, շաքարավազ, աղ և այդ բոլոր մթերքները շարունակել խաշել մինչև պատրաստ լինելը:Կրակը անջատելուց 5 րոպե առաջ ավելացնել կտրատած մաղադանոսը։ Մատուցել տաք վիճակում։
Բարի ախորժակ

Հուշում`


1.Այս ուտեստ կարող եք պատրաստել նաև ապուրի տեսքով։ Ապուր պատրաստելու համար արգանակից ավելի շատ ավելացրեք։

մաղադանոսհայկական խոհանոցոչխարի միսգլուխ սոխսերկևիլ

Նմանատիպ գրառումներ
Եղինջով աղցան
Եղինջապուր
Կարտոֆիլով և կաղամբաթթվով աղցան