Դդմիկով կոտլետ

Անի Նալբանդյան · հունիս 4 2015
Դիտումներ 41103

Ամառային սննդակարգի անբաժան մասն է կազմում դդմիկը։ Այս բանջարեղենը ոչ միայն շատ համեղ է, այլ նաև շատ մատչելի։ Դդմիկով պատրաստվող ճաշատեսակներից թերևս ամենահայտնին դդմիկով կոտլետներն են։ Այն պատրաստելը այնքան էլ դժվար չէ։ Անցենք գործի։

Բաղադրությունը

  • 1 կգ դդմիկ
  • 1 հատ գազար
  • 1 հատ կարտոֆիլ
  • 2-3 պճեղ սխտոր
  • 1 կապ սամիթ
  • 2 հատ ձու
  • 2 ճ/գ ալյուր
  • աղ, սև պղպեղ


Պատրաստման եղանակը

  1. Դդմիկները լվանալ, կլպել և անցկացնել քերիչով եթե դդմիկները մատղաշ են, կարող եք չկլպել։ Վրան աղ լցնել և թողնել 10-15 րոպե, որպեսզի ջուրը առանձնանա։ Դդմիկից առաջացած ջուրը քամիչով քամել։
  2. Դդմիկի վրա ավելացնել քերած գազարը, կարտոֆիլը, ճզմած սխտորները, կտրատած սամիթը, համեմել պղպեղով։ Ավելացնել նաև հատ հարած ձվերը և ալյուրը։ Բոլորը միասին լավ խառնել։
  3. Թավայի մեջ լցնել ձեթ և տաքացնել։ Ճաշի գդալով վերցնել խճողակից, ձևավորել կոտլետներ և երկու կողմից տապակել տաքացած ձեթի մեջ։

Բարի ախորժակ


Հուշում

Կարող եք նաև ավելացնել կանաչ սոխ, համեմ կամ մաղադանոս։

տաք ուտեստներձուդդմիկգազարսխտորսամիթալյուրկարտոֆիլ

Նմանատիպ գրառումներ
Իմամ Բայալդի
Հավի կրծքամսով և լավաշով սամոսա
Տապակած մատղաշ կարտոֆիլ
Մսով կոտլետ
Գյուղական կարտոֆիլ