Տապակած հավը լիմոնով

Բաղադրությունը`

• 1-1.5 կգ հավ
• 1.5-2 հատ լիմոն
• 1 հատ գլուխ սոխ
• 1 հատ դդմիկ
• 2-3 հատ պղպեղ
• 2 հատ լոլիկ
• 4 հատ կարտոֆիլ
• 150-200 գրամ ծաղկակաղամբ
• ձեթ
• օրեգանո
• ծիտրոն
• սև և կարմիր պղպեղ
• աղ

Պատրաստման եղանակը`


1.Հավը մաքրել, հեռացնել ավելորդ յուղերը և արյան մնացորդները: Հավի մաշկը փորի և մեջքի հատվածում անջատել մսից այնպես, որ ոտքերի, թևերի և վզի հատվածում կպած մնա: 2 ճ/գ զեյթունի ձեթի մեջ քամել մեկ ամբողջական լիմոնի հյութը, ավելացնել աղը, սև և կարմիր պղպեղները, չորացրած ծիտրոնը և օրեգանոն: Ստացված զանգվածը քսել ինչպես մաշկի վրա, այնպես էլ մաշկի տակը ու փորի ներսի հատվածում: Մյուս լիմոնը կտրատել կլոր-կլոր և տեղավորել հավի մաշկի ու մսի արանքում և փորի մեջ: Փորի մեջ դնել նաև մաքրած և չորս մասի բաժանած գլուխ սոխը: Հավը արդեն պատրաստ է մարինացվելու: Տեղափոխել հերմետիկ փակվող տարրայի մեջ և պահել սառնարանում առնվազն 4 ժամ:
2.Բանջարեղենը լվանալ և մաքրել: Դդմիկը, կարտոֆիլը, լոլիկը կտրատել կիսալուսնաձև, իսկ ծաղկակաղամբը բաժանել միջին չափի կտորների: Պատրաստի բանջարեղենը լցնել առանձին տարրայի մեջ, վրան ավելացնել 2 ճ/գ ձեթ, աղ, սև և կարմիր պղպեղ, չորացրած ծիտրոն և օրեգանո: Պահել սառնարանում 30 րոպե:
3.Ջեռոցը տաքացնել 200 աստիճան: Հավը հանել սառնարանից, տեղափոխել տապակի վրա և դնել ջեռոցը: Կես ժամ հետո տապակի մեջ ավելացնել նաև բանջարեղենը և եփել մինչև պատրաստ լինելը: Մատուցել տաք վիճակում:
Բարի ախորժակ

Հուշում`


1.Բանջարեղենի տեսականին կարելի է փոխել ըստ նախասիրության: