Կարմիր լոբով կոտլետ

Անի Նալբանդյան · նոյեմբեր 21 2015
Դիտումներ 11175

Կարմիր լոբին դիետիկ մանրաթելերի հարուստ աղբյուր է: Պարունակում է B խմբի վիտամիններ, հատկապես B6, որը պատասխանատու է դիմադրողականության, մաշկի վիճակի և նյարդային համակարգի ակտիվության համար: Բացի այս օգտակար հատկություններից, այն նաև շատ համեղ է։ Ահա այս պատճառով էլ կարմիր լոբին պետք է Ձեր սննդակարգի անբաժանելի մաս լինի։ Ձեզ եմ առաջարկում շատ համեղ կոտլետների բաղադրատոմս։

Բաղադրությունը`

  • 1 բաժակ կարմիր լոբի
  • 1 հատ գլուխ սոխ
  • 1 հատ լոլիկ
  • 1 հատ ձու
  • 4-5 հատ հատիկավոր պղպեղ
  • 1 հատ դափնու տերև
  • պաքսիմատ
  • 50 գրամ պանիր
  • 50 գրամ ընկույզ
  • 1 պճեղ սխտոր
  • աղ, սև պղպեղ
  • ձեթ

Պատրաստման եղանակը`


1.Նախապես թրջած լոբին խաշել լոլիկի, սոխի, դափնու տերևի և հատիկավոր պղպեղի հետ, մինչև որ լոբին պատրաստ լինի (լոբին պետք է շատ փափուկ լինի): Եփած լոբու ջուրը քամել: Լոլիկը, սոխը, պղպեղները և դափնու տերևը հեռացնել: Լոբին ճզմել կարտոֆիլի ճզմիչով: Պարտադիր չէ, որ միասեռ զանգված լինի:
2.Ճզմած լոբու վրա ավելացնել մանր կտրատած ընկույզը, քերած պանիրը, ճզմած սխտորը, 1 ճ/գ պաքսիմատը, ձուն, համեմել աղով և սև պղպեղով: Բոլոր միասին լավ խառնել:
3.Պատրաստի խճողակից ձևավորել կլորավուն կոտլետներ, թաթախել պաքսիմատի մեջ և տապակել տաք ձեթով թավայի մեջ: Պատրաստի կոտլետները դնել խոհանոցային անձեռոցիկի վրա, որպեսզի ավելորդ ձեթը քամվի: Կարելի է մատուցել ինչպես սառը, այնպես էլ տաք վիճակում։
Բարի ախորժակ

Հուշում`


1․Կարմիր լոբու փոխարեն կարող եք օգտագործել նաև սպիտակ լոբով։
2․Կարելի է մատուցել թթվասերով, տխեմալիով կամ մեկ այլ նմանատիպ սոուսով։

տաք ուտեստներպանիրընկույզպաքսիմատկարմիր լոբի

Նմանատիպ գրառումներ
Կոտլետ "Նրբություն"
Նրբերշիկը կաղամբի մեջ
Կոտլետներ ջեռոցում
Կարտոֆիլով ջեռեփուկ