Կոտլետներ ջեռոցում

Բաղադրությունը`

• 500 գրամ տավարի աղացած միս
• 100 գրամ հաց
• 100 մլ կաթ
• 2 պճեղ սխտոր
• 2 հատ ձու
• 1 հատ մեծ գլուխ սոխ
• 1 հատ մեծ լոլիկ
• 4 ճ/գ թթվասեր կամ մայոնեզ
• 2 ճ/գ կետչուպ
• 100 գրամ պանիր
• աղ, պղպեղ

Պատրաստման եղանակը`

1.Հացը բաժանել մասերի, վրան լցնել կաթը և թողնել, որ փափկի: Աղացած մսի վրա ավելացնել աղը, պղպեղը, ձուն, ճզմած սխտորը և կաթի մեջ թրջած հացը ու պատրաստել խճողակ:
2.Ջեռոցի թավան յուղոտել կամ վրան փռել թխելու համար նախատեսված թուղթ: Խճողակից պատրաստել բարակ կոտլետներ և շարել թավայի վրա:
3.Սոխը օղակներով կտրատել, պետք է ստանալ այնքան օղակ, որքան որ կոտլետ եք պատրաստել: Պանիրը ևս կտրատել նույն քանակությամբ բարակ կտորների:
4.Կոտլետների վրա քսել կետչուպ, դնել սոխի օղակները, քսել թթվասեր կամ մայոնեզ, վրան դնել կլոր-կլոր կտրատած լոլիկի շերտերը, ապա պանրի կտորները: Եփել 180 աստիճան ջեռոցում 30 րոպե: Մատուցել կարտոֆիլով պյուրեի կամ խաշած բրնձի հետ:
Բարի ախորժակ
Աղբյուրը