Դդմիկով պեննե

Բաղադրությունը`

• 300 գրամ պեննե
• 2 հատ փոքր դդմիկ
• 1 հատ պղպեղ
• 1 հատ գազար
• 1 հատ գլուխ սոխ
• 3 հատ լոլիկ
• 3 պճեղ սխտոր
• 1 ճ/գ տոմատի մածուկ
• 3 ճ/գ ձեթ
• խառը կանաչի
• սև և կարմիր պղպեղ
• աղ

Պատրաստման եղանակը`

1.Եռացող աղ արած ջրի մեջ եփել պեննեն համաձայն տուփի վրա գրված ցուցումների։
2.Սոխը մաքրել և մանր կտրատել։ Թավայի մեջ լցնել ձեթը, տաքացնել, և տապակել սոխը մինչև թափանցիկ դառնալը։
3.Ավելացնել մանր կտրատած պղպեղը և քերիչով անցկացրած գազարը։ Տապակել 2-3 րոպե, ապա ավելացնել քերիչով անցկացրած դդմիկը։ Տապակել 3-5 րոպե, ապա ավելացնել քերիչով անցկացրած լոլիկը։Եփել մինչև ջուրը ամբողջովին գոլորշանա։ Պատրաստ լինելուց մոտ 5 րոպե առաջ ավելացնել տոմատի մածուկը, համեմունքները, ճզմած սխտորը և մանր կտրատած կանաչին։ Թավայի մեջ լցնել ջրքամած պեննեն, խառնել և մատուցել։
Բարի ախորժակ