Գլուխ սոխով ալադի

Բաղադրությունը`

• 3 հատ միջին չափի գլուխ սոխ
• 2 հատ ձու
• 5 ճ/գ սպիտակաձավար
• 50 գրամ կարագ
• աղ
• սև պղպեղ

Պատրաստման եղանակը`

1.Սոխը մաքրել, բաժանել չորս մասի: Սառը ջրի մեջ լցնել 1 թ/գ աղ և 1 թ/գ քացախ: Սոխը թողնել ստացված լուծույթի մեջ 20-30 րոպե: Այս եղանակով կարելի է ազատվել սոխին յուրահատուկ հոտից և դառնությունից:
2.Սոխը շատ մանր կտրատել կամ մանրացնել բլենդերով: Առաջացած հյութը քամել: Համեմել աղով և պղպեղով, ավելացնել ձուն,սպիտակաձավարը և լավ խառնել:
3.Թավան տաքացնել, ավելացնել կարագը, թողնել որ հալվի: Տաքացած կարագը մեջ ճաշի գդալով դնել պատրաստի զանգվածից, գդալով մի փոքր տարածել: Մոտավորապես ստացվում է 10-12 հատ ալադի: