Սմբուկով և թթվասերով աղցան

Բաղադրությունը`

• 3 հատ միջին չափի սմբուկ
• 3 հատ լոլիկ
• 1 հատ գլուխ սոխ
• 2-3 պճեղ սխտոր
• օրեգանո
• ծիտրոն
• բուսայուղ
• աղ, սև պղպեղ
• 300 գրամ թթվասեր

Պատրաստման եղանակը`

1. Սմբուկը լվանալ, մաքրել և կտրատել խորանարդիկներով:Ցանկության դեպքում սմբուկը կարելի է թողնել կճեպով: Կտրատած սմբուկի վրա աղ անել, թողնել 15-20 րոպե: Առաջացած ջուրը քամել:
2.Թավայի մեջ բուսայուղ լցնել, տաքացնել և տապակել կտրատած սոխը: Երբ սոխը պատրաստ կլինի, ավելացնել քամած սմբուկը և տապակել 15 րոպե:
3.Լոլիկները լվանալ և կտրատել խորանարդիկներով, ավելացնել տապակվող սմբուկների վրա և եփել մինչև լոլիկի ջուրը կգոլորշանա:
4.Երբ գրեթե պատրաստ լինի, ավելացնել ճզմած սխտորը, շարունակել եփել մինչև պատրաստ լինելը: Կրակը անջատել և ավելացնել աղը, պղպեղը, օրեգանոն, ծիտրոնը և թթվասերը: Ամենաքիչը երկու ժամ դնել սառնարանում: Մատուցել սառը վիճակում:

Բարի ախորժակ