Դասական մարինացված կարմիր պղպեղ
Անի Նալբանդյան · հոկտեմբեր 2 2016Մարինացված կարմիր պղպեղը զարդարում է ինչպես տոնական, այնպես էլ առօրյա սեղանները։ ՈՒրեմն ժամանակ չկորցնենք և շատ արագ անցնեք պատրաստման գործընթացին։
Բաղադրությունը`
- 1․5 կգ կարմիր պղպեղ
- 1 լիտր ջուր
- 1 գլուխ +2 պճեղ սխտոր
- 5 ճ/գ ձեթ
- 125 մլ քացախ
- 100 գրամ շաքարավազ
- 1 ճ/գ աղ
- 3 հատ դափնու տերև
- 1 թ/գ սև հատիկավոր պղպեղ
- 6 հատ հոտավետ պղպեղ
- 0․5 կապ մաղադանոս
- 0․5 կապ նեխուր
Պատրաստման եղանակը`
1.Կարմիր պղպեղնեը լվանալ, հեռացնել սերմնատուփը և բաժանել չորս մասի։
2.Էմալապատ կաթսայի կամ թասի մեջ լցնել ջուրը, քացախը,ձեթը,շաքարավազը,աղը, համեմունքերը և դանակով ճզմած երկու ատամիկ սխտորը։ Մարինադը հասցնել եռման։
3.Կարմիր պղպեղները գցել եռացող մարինադի մեջ և եփել մոտ երեք րոպե։ Պղպեղներիի հետ գցել նաև սառը ջրով լվացած նեխուրը, եփել 3 րոպե։
4.Պատրաստի պղպեղնեը դասավորել փակ ամանի կամ բանկայի մեջ՝ շերտերով։ Շերտերի արանքնեը լցնել մանր կտրատած մադադանոսը և երկարությամբ կտրատած սխտորը։Վերջում ավելացնել մարինադը։ Պահել սառնարանում։
Բարի ախորժակ