Տժվժիկ

Բաղադրությունը`

• 130 գրամ սիրտ
• 140 գրամ լյարդ
• 130 գրամ թոք
• 100 գրամ շնչափող
• 3 հատ թարմ լոլիկ կամ 250 գրամ սեփական հյութի մեջ լոլիկ
• 1 հատ մեծ գլուխ սոխ
• մաղադանոս
• 2 ճ/գ ալյուր
• ձեթ
• չորացրած ծիտրոն
• չորացրած ռեհան
• սև և կարմիր պղպեղ
• աղ

Պատրաստման եղանակը`

1.Մթերքները պատրաստել, լվանալ և կտրատել հավասար կտորների: Խոհանոցային անձեռոցիկով չորացնել:
2.Պոլիէթիլենային տոպրակի մեջ լցնել ալյուրը, ավելացնել սև և կարմիր պղպեղը, մանրացրած չորացրաած ծիտրոնը և ռեհանը: Բոլորի միասին լավ խառնել, ավելացնել կտրատած մթերքները: Տոպրակի կապել և թափահարել այնքան, որ բոլոր կտորները ալրապատվեն:
3.Տապակի մեջ ձեթ լցնել և լավ տաքացնել: Ավելացնել ալրապատ կտորները և տապակել մինչև կիսապատրաստ լինելը:
4.Ավելացնել բարակ կիսալուսնաձև կտրատած սոխը, տապակել մոտ 5 րոպե, ապա ավելացնել մանր կտրատած լոլիկը: Տապակը ծածկել կափարիչով և եփել մինչև պատրաստ լինելը: Աղը ավելացնել միայն վերջում: Մատուցել վրան սոխ և մանր կտրատած մաղադանոս ցանած:
Բարի ախորժակ