Բաղադրությունը`

• Խմոր`
• 4-5 հատ ձու
• 150 գրամ ալյուր
• 0,5 բաժակ տաք կաթ
• 0,5 բաժակ տաք ջուր
• 100 գրամ կարագ
• 1/3 գդալ աղ
• 1 ճ/գ շաքարավազ
• Կրեմ`
• 6 հատ դեղնուց
• 500 մլ կաթ
• 150 գրամ շաքարավազ
• 2 ճ/գ ալյուր
• 1 թ/գ վանիլին
• 20 գրամ կարագ

Պատրաստման եղանակը`

1․Կաթսայի մեջ լցնել ջուրը, կաթր, աղը, շաքարավազը և կարագը: Դնել կրակին և սպասել մինչև որ սկսի առաջին պղպջակները հայտնվել: Հենց սկսի եռ գալ, ավելացնել ալյուրը ամբողջությամբ և արագ խառնել: Կրակից վերցնել, խառնել մինչև խմորը հավաքվի, ապա նորից կես րոպե պահել կրակին, որ խմորի մեջ եղած ավելորդ ջուրը գոլորշանա:Խմորը պատրաստ է համարվում, երբ սկսում է անջատվել կաթսայի պատերից:
2․ Խմորը թողնել, որ մի փոքր հովանա: Կարելի է նաև կաթսայից դատարկել այլ ամանի մեջ, որպեսզի պրոցեսը ավելի արագ ստացվի: Հովացած խմորի մեջ մեկ-մեկ ավելացնել ձուն և հարել: Վերջին 5-րդ ձուն ավելացնել միայն անհրաժեշտության դեպքում: Դրա համար այն հարել և քիչ-քիչ ավելացնել: Էկլերի համար նախատեսված խմորը պետք է լինի հարթ ու փայլուն, պինդ թթվասերի նման:
3․Ջեռոցի տապակի վրա յուղաթերթ փռել: Խմորը լցնել խոհանոցային պարկի մեջ և ձևավորել գնդիկներ: Կարելի է պարկի փոխարեն գդալով ձևավորել: Եփել նախօրոք տաքացրած ջեռոցում 30 րոպե: Առաջին 15 րոպեն եփել 200 աստիճանի տակ, ապա իջացնել 160: Երբ էկլերները պատրաստ լինեն, ջեռոցը անջատել ու 10 րոպե թողնել ջեռոցում: Այս ամբողջ ընթացքում չի կարելի ջեռոցի դուռը բացել, հակառակ դեպքում էկլերները չեն բարձրանա:
4․Կրեմի համար դեղնուցները և շաքարավազը հարել, վրան ավելացնել ալյուրը, շարունակել հարել այնպես, որ գնդիկներ չլինեն: Կաթի մեջ լցնել վանիլինը, տաքացնել և բարակ հոսքով լցնել հարած դեղնուցի վրա՝ շարունակելով անընդհատ խառնել, որպեսզի կաթի տաքությունից դեղնուցը չկտրվի: Կաթսայի տակ մի քիչ կաթ թողնել: Հարած դեղնուցի և կաթի զանգվածը ավելացնել կաթսայի կաթի մեջ: Նորից դնել կրակի վրա և եփել մինչև կրեմը սկսի պնդանալ: Կրակից վերցնել, կարագ գցել և խառնել, մինչև կարագը հալվի և միաձուլվի: Պատրաստի կրեմը հովացնել սառույցով ամանի մեջ, ապա տեղափոխել սառնարան 30 րոպեով:
5․Կրեմը լցնել խոհարարական պարկի մեջ: Պատրաստի էկլերների վրա կողքի հատվածում շատ փոքր անցք բացել և կրեմը լցնել: Մատուցելուց առաջ շաքարի փոշի ցանել:
Բարի ախորժակ