Մարինացված հում բազուկ

Բաղադրությունը`

• 1.5 կգ բազուկ
• 5 պճեղ սխտոր
• 2 հատ դափնու տերև
• 6 հատ բալի տերև
• 12 հատ սև պղպեղ
• 5 հատ մեխակ
• 1 թ/գ սամիթի սերմ
• 1 թ/գ համեմի սերմ
• 2 ճ/գ խոշոր աղ
• 4 ճ/գ շաքարավազ
• 3 ճ/գ 70 % էսենցիա

Պատրաստման եղանակը`

1.Բազուկը մաքրել և կլոր-կլոր կտրատել: Կարող եք նաև կտրատել այլ տարբերակով ևս, էական տարբերություն չի լինի: Սխտորը մաքրել և մեջտեղից երկու մասի բաժանել:
2.Բանկայի մեջ լցնել եռացրած ջուր, թողնել 3-5 րոպե, ջուրը թափել, կտրատած բազուկները և սխտորները տեղավորել մեջը:
3.Ջուրը լցնել կաթսայի մեջ, ավելացնել համեմունքները և եռացնել: Եռացրած մարինադը ավելացնել բազուկի վրա: Բանկան տեղավորել մութ և սառը տեղում, պահել մեկ ամիս: Այս տարբերակով պատրաստված բազուկը շատ համեղ և խրթխրթան է ստացվում:
Բարի ախորժակ