Տոնական լցոնած հավ

Բաղադրությունը`

• 1 հատ հավ
• 1 ճ/գ ալյուր
• 1 հատ ձու
• 1 թ/գ չաման
• 1 թ/գ սև պղպեղ
• 1 թ/գ կարմիր կծու պղպեղ
• 3-4 ատամիկ սխտոր
• 5-6 ճյուղ համեմ
• 1/4 գազար
• 3-4 հատ դափնու տերև
• 1 թ/գ սև հատիկավոր պղպեղ
• 2 ճ/գ թթվասեր+0,5 թ/գ կարմիր պղպեղ
• աղ

Պատրաստման եղանակը`

1.Հավը լվանալ։ Ձեռքերով առանձնացնել կաշին մսից այնպես, որ վերջույթները մնան կաշվի հետ։ Մաշկազերձված հավի միսը և ոսկորները ևս առանձնացնել։ Միսը երկու անգամ անցկացնել մսաղացով։
2.Աղացած մսի վրա ավելացնել համեմունքները, կտրատած համեմը, ճզմած սխտորը և քերիչով անցկացրած գազարը։ Ստացված զանգվածը լավ շաղախել։
3.Հավի կաշվի վնասված հատվածները թել ու ասեղով կարել։ ։ Լցոնել պատրաստի խճողակով։ Ձեռքով հանել օդը և կարել պատռվածքը։
4. Մեծ կաթսայի մեջ լցնել այնքան ջուր, որ հավի ամբողջովին ծածկի։ Ջրի մեջ ավելացնել 3-4 հատ դափնու տերև,1 թ/գ սև հատիկավոր պղպեղ և 1 ճ/գ աղ։ Եփել 1 ժամ 20 րոպե։ Եփած հավը տեղափոխել ջեռոցի տապակի մեջ, զգուշորեն հեռացնել թելերը, վրան քսել թթվասերի և կարմիր պղպեղի խառնուրդը և դնել ջեռոցը մինչև հավի կարմրել։ Պատրաստի հավը հանել ջեռոցից, թողնել հովանա, ապա զարդարել նռով և կանաչիներով։
Բարի ախորժակ