Մարինացված խորոված կարմիր պղպեղ

Բաղադրությունը`

• 4 հատ կարմիր պղպեղ
• 2 ճ/գ զեյթունի ձեթ
• 1 ճ/գ բալզամիկ քացախ
• 1 ատամիկ սխտոր
• 5 ճյուղ համեմ
• 5 ճյուղ մաղադանոս
• 0.5 թ/գ օրեգանո
• սև պղպեղ
• ծովի աղ

Պատրաստման եղանակը`

1.Պղպեղները խորովել կրակի վրա, հետո տեղափոխել պոլիէթիլենային տոպրակի մեջ, տոպրակը կապել և պահել 15 րոպե, որպեսզի թաղանթը հեշտորեն դուրս գա: Հեռացնել նաև սերմատուփերը: Պղպեղները երկայնքով կտրատել մոտավորապես 2 սմ լայնությամբ կտորների: Տեղափոխել տարայի մեջ: Վրան ավելացնել մանր կտրատած սխտորը, մաղադանոսն ու համեմը:
2.Առանձին տարայի մեջ իրար խառնել զեյթունի ձեթը, բալզամիկ քացախը, օրեգանոն, աղն ու սև պղպեղը: Բոլորը միասին լավ խառնել, լցնել պղպեղների վրա, խառնել և 2 ժամով տեղափոխել սառնարան՝մարինացվելու: Կարելի է մատուցել տապակած մսի, փլավների և պյուրեների հետ:
Բարի ախորժակ