Հավի մսով և կաղամբով տեֆտելիա

Բաղադրությունը`

• 500 գրամ ջուր
• 800 գրամ հավի աղացած միս
• 400 գրամ կաղամբ
• 2 հատ սոխ
• 3 պճեղ սխտոր
• 1 հատ գազար
• սամիթ
• օրեգանո
• 3 հատ հոտավետ պղպեղ
• 2 հատ դափնու տերև
• 50 գրամ ալյուր
• 60 գրամ թթվասեր
• 90 գրամ տոմատ
• 3 ճ/գ ձեթ
• 0.5 թ/գ շաքարավազ
• աղ

Պատրաստման եղանակը`

1.Կաղամբը և սխտորը անցկացնել մանր քերիչով կամ թեթևակի հարել բլենդերով, ավելացնել աղացած մսի վրա:Այստեղ ավելացնել նաև աղը, օրեգանոն, մանր կտրատած սամիթը, սև պղպեղը: Բոլորը միասին լավ խառնել և ձևավորել մոտավորապես 4 սմ տրամագծով գնդիկներ:
2.Գազարը և սոխը մաքրել: Գազարը անցկացնել խոշոր քերիչով, իսկ սոխը կտրատել կիսալուսնաձև: Տապակել ձեթի մեջ:
3.Տապակվող գազարի և սոխի վրա ավելացնել ջուրը, տոմատի մածուկը, շաքարավազը և աղը: Թողնել որ եռա, այնուհետև ավելացնել թթվասերի և ալյուրի խառնուրդը և անընդհատ խառնել, որ գնդիկներ չառաջանան: Թողնել նորից եռ գա:
4.Պատրաստ գնդիկները քցել եռացող սոուսի մեջ, ավելացնել հոտավետ պղպեղը և դափնու տերևը: Եփել մարմանդ կրակի վրա մոտ 40 րոպե : Մատուցել տաք վիճակում:
Բարի ախորժակ