Աղցան <<Արևոտ դդում>>

Բաղադրությունը`

• Կաթնաշոռային զամբյուղ`
• 200 գրամ կաթնաշոռ
• 3 ճ/գ թթվասեր
• համեմ, մաղադանոս
• աղ
• Աղցանի համար`
• 200 գրամ դդում
• 1 հատ լոլիկ
• 1 հատ դեղին քաղցր պղպեղ
• 1 հատ գլուխ սոխ
• 4 ճ/գ թթվասեր
• 0․5 թ/գ ռեհան
• 0․5 թ/գ ուրց
• 1 ճ/գ ձեթ
• աղ, սև պղպեղ

Պատրաստման եղանակը`

1․Դդումը կտրատել միջին չափի խորանարդիկներով, համեմել աղով, սև պղպեղով, չորացրած մանրացրած ռեհանով և ուրցով, ավելացնել ձեթը, խառնել և լցնել ջեռոցի տապակի մեջ։ Քաղցր պղպեղը լվանալ, մեջտեղից երկու մասի բաժանել և դդումի հետ միասին տապակել ջեռոցում 15 րոպե։ Ջեռոցից հանել, թողնել, որ հովանա։ Հովացած պղպեղը կտրատել միջին չափի խորանարդիկներով:
2․Լոլիկը և գլուխ սոխը ևս կտրատել խորանարդաձև։
3․Աղցանամանի մեջ իրար խառնել բոլոր բաղադրիչները, ավելացնել թթվասեր, համեմել աղով և սև պղպեղով։
4Կաթնաշոռային զամբյուղներ պատրաստելու համար կաթնաշոռի վրա ավելացնել թթվասերը, մանր կտրատած կանաչին, խառնել և խոհանոցային օղակի օգնությամբ ձևավորել զամբյուղներ, վրան լցնել պատրաստի աղցանը և մատուցել միասին։
Բարի ախորժակ