Բրնձով շոգեխաշած կաղամբ

Բաղադրությունը`

• 600 գրամ կաղամբ
• 5 հատ միջին չափի լոլիկ
• 1 հատ գազար
• 1 հատ բուլղարական պղպեղ
• 1 հատ գլուխ սոխ
• 100 գրամ բրինիձ
• 3ճ/ գ ձեթ
• սամիթ
• համեմ
• շաքարավազ
• սև և կարմիր պղպեղ
• աղ

Պատրաստման եղանակը`

1․Կաղամբը լվանալ և բարակ ու երկար կտրատել։ Սոխը կտրատել կիսալուսնաձև։ Լոլիկի վրա լցնել եռացրած ջուր, ապա տեղափոխել սառը ջրի մեջ, որպեսզի հնարավոր լինի կեղևը հեշտորեն հեռացնել։ Լոլիկները ևս կտրատել կիսալուսնաձև։ Բուլղարական պղպեղից հեռացնել սերմատուփը և կտրատել ձողիկների տեսքով։ Գազարը մաքրել և անցկացնել քերիչով։ Բոլորը միասին լցնել ամանի մեջ, վրան ավելացնել ձեթը, աղը,շաքարավազը, սև և կարմիր պղպեղը։ Խառնել և տեղափոխել թավայի կամ կաթսայի մեջ։ Վրան ավելացնել կես բաժակ ջուր։ Շոգեխաշել փակ կափարիչով։
2․Բրինձը լվանալ և եփել 200 գրամ ջրով 10 րոպե։ Կիսահում բրինձը ավելացնել կաղամբի վրա և շարունակել շոգեխաշել։ Պատրաստ լինելուց 5 րոպե առաջ ավելացնել մանր կտրատած կանաչին։ Մատուցել տաք վիճակում։ Կարելի է մատուցել նաև տապակած մսի հետ որպես խավարտ։
Բարի ախորժակ