Շոգեխաշած կաղամբը դդմիկով

Բաղադրությունը`

• 350 գրամ կաղամբ
• 1 հատ դդմիկ
• 1 հատ գազար
• 2 հատ լոլիկ
• 1 հատ սոխ
• համեմ
• 7-8 հատիկ սև հատիկավոր պղպեղ
• 1 ճ/գ բուսայուղ
• ծովի աղ

Պատրաստման եղանակը`

1.Սոխը մանր կտրատել և տապակել ձեթի մեջ մինչև թափանցիկ դառնալը:
2.Բանջարեղենը լվանալ: Գազարը և դդմիկը կտրատել ձողաձև: Ավելացնել սոխի վրա և տապակել 2-3 րոպե, ապա ավելացնել բարակ կտրատած կաղամբը և հատիկավոր սև պղպեղը: Շարունակել տապակել ևս 3-4 րոպե:
3.Լոլիկը կտրատել խորանարդաձև և ավելացնել տապակվող բանջարեղենի վրա, խառնել, կափարիչը փակել և թողնել շոգեխաշվի:Պատրաստ լինելուց 3 րոպե առաջ ավելացնել աղը և մանրացրած համեմը: Մատուցել տաք վիճակում որպես խավարտ մսի կամ փլավի հետ:
Բարի ախորժակ