Ծաղկակաղամբ <<Բրնձի հատիկներ>>

Բաղադրությունը`

• 350 գրամ ծաղկակաղամբ
• 2 հատ ձվի սպիտակուց
• 1 հատ գլուխ սոխ
• 2-3 պճեղ սխտոր
• ձեթ
• մշկընկույզ
• իտալական համեմունքներ (օրեգանո,մայորան,ուրց)

Պատրաստման եղանակը`

1.Ծաղկակաղամբը լվանալ և անցկացնել քերիչով:
2.Գլուխ սոխը և սխտորը մանր կտրատել և տապակել ձեթի մեջ: Երբ ոսկեգույն դառնա, ավելացնել սպիտակուցը և խառնելով բաժանել մանր կտորների: Ապա ավելացնել քերիչով անցկացրած ծաղկակաղամբը և տապակել 6-10 րոպե: Տապակելու ընթացքում կափարիչը չփակել, որպեսզի ծաղկակաղամբը հատիկ-հատիկ մնա:
3.Անջատելուց 2-3 րոպե առաջ ավելացնել համեմունքերը և աղը: Կարելի է մատուցել ինչպես տաք, այնպես էլ սառը վիճակում:
Բարի ախորժակ

Հուշում`

1.Այս ուտեստը պատրաստելիս կարող եք օգտագործել ցանկացած համեմունք, որը սիրում եք: Կարող եք ավելացնել հնդկական համեմունքների փունջ և ստանալ հնդկական ուտելիք, իտալական համեմունքեր` իտալական ուտելիք: Իսկ եթե համեմունքերի սիրահար չեք, ապա ավելացրեք միայն աղ և սև պղպեղ: