Կաղամբով և կարտոֆիլով աղցան

Բաղադրությունը`

• 300 գրամ կաղամբ
• 2 հատ միջին չափի կարտոֆիլ
• կանաչ սոխ
• մաղադանոս
• մայոնեզ
• աղ, սև պղպեղ

Պատրաստման եղանակը`

1․Կաղամբը մաքրել, հեռացնել վերևի մի քանի շերտը, լվանալ և երկարությամբ բարակ կտրատել։
2․Կարտոֆիլը մաքրել, լվանալ և խաշել։ Արդեն խաշած կարտոֆիլը կտրատել խորանարդիկներով և ավելացնել կաղամբի վրա։
3․Կանաչ սոխը և մաղադանոսը ևս լվանալ ու մանր կտրատել։ Ավելացնել կաղամբի և կարտոֆիլի վրա։
4․Մնում է աղցանը համեմել աղով, սև պղպեղով, ավելացնել մայոնեզը։ Բոլորը միասին լավ խառնել և տեղափոխել մատուցվող ամանների մեջ։
Բարի ախորժակ

Հուշում`

Ցանկության դեպքում մայոնեզը կարող եք փոխարինել քամած մածունով կամ թթվասերով, իսկ կանաչ սոխը՝ գլուխ սոխով։