Կանաչ լոբով ամառային ճաշ

Բաղադրությունը`

• 500 գրամ կանաչ լոբի
• 2 հատ լոլիկ
• 1 հատ բուլղարական պղպեղ (ցանկության դեպքում նաև 0,5 հատ չիլի պղպեղ)
• 3 պճեղ սխտոր
• խառը կանաչի
• կարագ
• աղ

Պատրաստման եղանակը`

1․Կանաչ լոբին մաքրել, լվանալ սառը ջրով և կտրատել երկարությամբ։
2․Կաթսայի մեջ լցնել եռացրած ջուր այնքան, որ լոբին թեթևակի ծածկի։ Եռացրած աղ գցած ջրի մեջ ավելացնել լոբին, հենց որ սկսի եռ գալ, ավելացնել երկարությամբ կտրատած բիբարը։ Կարելի է ավելացնել նաև մի փոքր չիլի պղպեղ հաճելի կծվություն հաղորդելու համար։
3․Երբ լոբին գրեթե պատրաստ կլինի, քամել ավելորդ ջուրը, նորից դնել կրակին, ավելացնել կիսալուսնաձև կտրատած լոլիկները, կլոր-կլոր կտրատած սխտորը և կարագը։ Բոլորը միասին խառնել, կափարիչը փակել և թողնել, որ շոգեխաշվի։ Վերջում ավելացնել կտրատած խառը կանաչին, եփել ևս 2-3 րոպե և անջատել կրակը։
Բարի ախորժակ