Լոբով և ձկով դիետիկ աղցան

Բաղադրությունը`

• 1 բաժակ հատիկավոր լոբի
• 300 գրամ ձկան ֆիլե
• 2 հատ գազար
• 1 հատ գլուխ սոխ
• 1 ատամիկ սխտոր
• 4-5 ճյուղ համեմ
• 1 ճ/գ լիմոնի հյութ
• 1 ճ/գ զեյթունի ձեթ
• 1/4 թ/գ ուրց
• սև պղպեղ
• աղ

Պատրաստման եղանակը`

1․Հատիկավոր լոբին թրջել սառը ջրով և թողնել ամբողջ գիշեր։ Առավոտյան ջուրը փոխել և խաշել։
2․Ձկան ֆիլեն խաշել և մանրացնել։
3․Գազարը լվանալ, մաքրել և կտրատել ձողիկների տեսքով։ Վրան ավելացնել զեյթունի ձեթ,ուրց, աղ և սև պղպեղ։ Բոլորը միասին խառնել և եփել 180 աստիճան ջեռոցում 10 րոպե։
4․Աղցանի բոլոր բաղադրիչները խառնել իրար, ավելացնել բարակ կտրատած սոխը, ճզմած սխտորը, մանր կտրատած համեմը և լիմոնի հյութը։ Ցանկության դեպքում կարելի է ավելացնել ևս 1ճ/գ զեյթունի ձեթ։
Բարի ախորժակ

Հուշում`

1․Կարելի է օգտագործել և՛ սև, և՛ կարմիր հատիկավոր լոբի։ Սպիտակը ավելի արագ է օգնում նիհարել։
2․Աղցանի համար կարող եք օգտագործել ցանկացած ոչ յուղոտ ձկան ֆիլե։