Կաղամբաթթվով Վինեգրետ

Բաղադրությունը`

• 1 բաժակ կարմիր լոբի
• 4-5 հատ միջին չափի բազուկ
• 3 հատ գազար
• 3 հատ միջին չափի կարտոֆիլ
• 250 գրամ կաղամբաթթու
• 1 հատ մեծ գլուխ սոխ
• համեմ, մաղադանոս
• ձեթ
• քացախ
• սև և կարմիր պղպեղ
• աղ

Պատրաստման եղանակը`

1.1 բաժակ լոբին թրջել ամբողջ գիշեր, հետո ջուրը փոխել ու խաշել: Քամել, թողնել որ հովանա:
2.Բազուկը, կարտոֆիլը և գազարը լավ լվանալ և խաշել: Եփվելուց հետո հովացնել, մաքրել և կտրատել խորանարդաձև:
3.Կաղամբաթթուն երկարությամբ բարակ կտրատել:
4.Գլուխ սոխը մաքրել, կիսալուսնաձև կտրատել և տապակել ձեթի մեջ:
5.Բոլոր բաղադրիչները խառնել իրար, ավելացնել մանր կտրատած համեմը և մաղադանոսը, համեմել սև և կարմիր պղպեղով, աղով և քացախով: Թողնել, որ համերը միանան:
Բարի ախորժակ