Կարմիր կաղամբով աղցան

Բաղադրությունը`

• 0.5 կգ կարմիր կաղամբ
• 1 միջին չափի գազար
• 1 հատ գլուխ սոխ
• 1 թ/գ քունջութ
• 3 ճ/գ ձեթ
• 1 ճ/գ քացախ
• համեմ
• աղ
• սև պղպեղ

Պատրաստման եղանակը`

1.Կաղամբը լվանալ, հեռացնել պտղակոթը և մանր կտրատել: Լցնել աղցանամանի մեջ, վրան աղ անել և տրորել: Կարմիր կաղամբի տերևները չոր են և առանց հատուկ մշակման աղցանը համեղ չի ստացվի: Նրա տերևները գույն են տալիս, դրա համար տրորեք կամ գդալով, կամ էլ ձեռնոցի օգնությամբ:
2. Երբ կաղամբից կսկսի հյութ առաջանալ, ավելացնել քերած գազարը, մանր կտրատած սոխն ու համեմը, քունջութը, պղպեղը, քացախը և ձեթը: Բոլորը միասին լավ խառնել և թողնել մոտ մեկ ժամ, որ համերը իրար հետ խառնվեն:
Բարի ախորժակ